| Декларација | Јазик |
| Станушина Розе 2014 е прекрасно суво вино со нежна светло розова боја. Аромите се интензивни и богати. Во нив среќаваме нијанси на дива јагода, пролетни цветови и арома на сок од дренка. Се дефинираат и аромите на свежи црвени овошки, пред се на јагода и малина. Вкусот е елегантен и долготраен, а завршетокот е свеж и пријатен. | македонски |
| Берба:
По умерените температури во февруари , пролетта и почетокот на летото се одликуваа со пониски температури од вообичаените за Тиквешкиот регион. Во втората половина од летото сепак имавме доволно сонце и топлина што овозможи нормално зреење на грозјето. Врнежливото време во текот на септември доведе до нешто покасна берба. Бербата на грозјето се одвиваше во време на негова технолошка зрелост, момент кога во грозјето има најдобар баланс помеѓу шеќерите и киселините. Грозјето се береше рачно, а времето на берењето беше многу рано наутро или доцна навечер кога температурите се пониски со цел да се зачуваат аромите.
| македонски |
| Создавање на виното:
- Мелење на грозјето и отстранување на дршките на температура под 12°C
- Ладење на гроздената каша
- Одреден период на мацерација на ширата со цврстите делови од грозјето.
- Бистрење на ширата
- Долга ферментација при контролирана ниска температура
- Посебни третмани за бистрење и филтрација на виното заради нежниот карактер на виното | македонски |